香港餐廳食評搜尋 | OpenRice 香港開飯喇
发布日期：2025-01-04 14:05 点击次数：173
我係7月12號喺你哋度消費，然後喺你哋露台坐凳勾爛咗我條西褲，當時你哋manager raymond想推卸責任，話本身我哋唔應該出露台因為落雨，跟住我話我哋出去你哋冇阻止，又冇鎖門，又冇話唔坐得，佢跟住知自己講錯野話幫我跟進，最後佢話免費請我同女朋友食一餐當和數。我拒絕跟住佢話會跟住公司程序交俾保險公司索償。之後你哋同事Paul聯絡我話會即刻幫我處理，需時大概兩星期，保險公司會聯絡我。前兩日我打俾佢，佢話保險公司仲未回覆，要我保持耐性，我問佢有冇保險公司電話或者Office員工我可以直接聯絡，同要求佢提供保險公司名稱及已提交相關文件作證。佢堅決拒絕話係機密文件同Office員工會喺星期五前聯絡我。今日下午我WhatsApp佢話仲未收到佢同事聯絡我，跟住佢就話同保險公司同Office商量過可賠償1000 coupon喺佢哋旗下餐廳食用。請問咁同三星期前提供嘅Offer有咩分別？係咪代表你哋依三個星期完全冇做過嘢？只係敷衍我？我要求嘅文件同埋資料點解唔可以俾我？我完全有理由相信你哋完全冇跟進過。同埋保險公司會賠coupon? 我只係想拎返條褲嘅錢，連話實報實銷賠返條褲嘅選擇都冇？!